कपाल बढाउने कोशिश गर्दैहुनुहुन्छ?कम्मरसम्म बढ्नको लागि करिब ७ बर्ष लाग्छ, काँधसम्म बढ्नको लागि ३ बर्ष!

 

सुन्दर कपाल प्राय सबैको चाहना हुन्छ। सुन्दर कपालकैलागि लाखौँ खर्च गर्ने मानिस समेत हुन्छन्।जानौ हाम्रो कपालको बारेमा केही रोचक कुराहरुः

# औसतमा, कपाल प्रति दिन ०.३-०.५ मिमी, प्रति महिना १.३ सेन्टीमिटर, प्रति वर्ष १५ सेन्टिमिटर बढ्छ।

# एउटा कपालको आयु करिब ५ वर्षसम्म हुन्छ।

# कपालले धेरै चीजहरूको बारेमा जानकारी समावेश गर्दछ जस्तै; रक्त प्रवाहमा लागूपदार्थ, रक्सी, भिटामिन वा कुनै खनिजहरू समावेश छ या छैन भन्ने कुरा पनि कपालको त्यान्द्रा परिक्षण गरेर पत्ता लगाउन सकिन्छ तसर्थ कुनै अपराध हुदा फोरेंसिक प्रमाणको रुपमा सबैभन्दा धेरै प्रयोग हुने प्रकारमध्ये कपाल पनि एक हो।

#बोन म्यारो (Bone Marrow)पछि हाम्रो शरीरमा सबैभन्दा छिटो बढ्ने तन्तु कपाल हो।

#पुरुषको कपाल र महिलाको कपाल संरचनामा समान हुने हुँदा कपालद्वारा महिला हो कि पुरुष भनेर पहिचान गर्न सकिदैन।

#टाउकोको ५० प्रतिशतभन्दा बढी कपाल झर्यो भने मानिस तालुखुइले देखिन्छ ।

#५० प्रतिशत कार्बन, २१ प्रतिशत अक्सिजन, १७ प्रतिशत नाइट्रोजन, ६ प्रतिशत हाइड्रोजन र ५ प्रतिशत सल्फर कपालमा हुन्छ।

#विभिन्न समयमा ९० प्रतिशत कपाल शरीरमा बढिरहेको हुन्छ भने १० प्रतिशत कपालको बढ्ने प्रक्रिया चाहिँ रोकिइरहेको वा आराम गरिरहेको अवस्थामा हुन्छ।

#एउटा स्वस्थ कपाल भिजेको अवस्थामा ३० प्रतिशतसम्म बढ्न सक्छ ।

#औसत व्यक्तिसँग सामान्य रुपमा एक लाखदेखि लिएर एक लाख पचास हजारसम्म कपालको त्यान्द्रा हुन्छ ।

#एउटा कपालको त्यान्द्रो त्यही व्यासको (diameter)तामाको तारभन्दा पनि बलियो हुन्छ।